BAKI,AzerVoice, Fərid Mikayılov
Futbolun canlı əfsanəsi Lionel Messi, keçmiş komanda yoldaşı Usman Dembeleni “Qızıl Top”u qazanması münasibətilə təbrik edib.
AzerVoice xəbər verir ki, fransalı ulduz futbolçu Dembele, 2025-ci il “Ballon d’Or” mükafatının sahibi olub.
“Təbrik edirəm, sənin üçün çox sevinirəm. Bu uğuru tamamilə haqq edirsən”- deyə Lionel Messi onun “Instagram” paylaşımına belə şərh yazıb.
Fransanın digər ulduzu Kilian Mbappe də yaxın dostunu təbrik edib.
Dembelenin “Qızıl Top”u qazanması ilə PSJ tarixində ilk dəfə bu mükafata sahib olan futbolçu da o oldu.
