BAKI, AzerVoice

Dünya futbolunun ən titullu oyunçusu Lionel Messi ABŞ MLS liqasında hakimlik standartlarını kəskin tənqid edib.

AzerVoice xəbər verir ki, İnter Mayami komandasının ulduzu, Orlando Siti ilə keçirilən Florida derbisində baş hakimə qarşı sərt ifadələr işlədib: "Qaydanı bilmirdi", – deyə o bildirib.

Messi, verdiyi açıqlamada hakimin matç zamanı bir epizodda qaydanı düzgün təhlil etmədiyini söyləyib.

“Birinci hissədə yaxşı oynayırdıq, hücum edirdik, imkanlar yaradırdıq. Sonra qəribə bir epizod oldu. Rəqibin oyunçusu topu qapıçıya verdi, amma hakim mənə qaydanı bilmədiyini və vəziyyəti görmədiyini dedi. Bu epizoddan sonra onların uzun ötürməsi və qolu gəldi”- deyə o bildirib.

Argentina ulduzu son vaxtlar hakim qərarlarından narazılığını bir neçə dəfə ifadə edib. Fevral ayında Nyu-York Siti ilə qarşılaşmadan sonra rəqib məşqçini boğazından tutan Messi, San-Xose matçında isə hakimi kəskin şəkildə tənqid etmiş, lakin ABŞ millisinin sabiq baş məşqçisi Bryus Arena tərəfindən qırmızı vərəqədən xilas edilmişdi.