BAKI, AzerVoice
BMT Rusiya Prezidenti Vladimir Putin və ABŞ Prezidenti Donald Tramp arasında baş tutmuş telefon danışığını alqışlayıb.
AzerVoice xəbər verir ki, bu barədə BMT Baş katibinin rəsmi nümayəndəsi Stefan Düjarrik brifinq zamanı bildirib.
Düjarrik, həmçinin, ABŞ liderinin Ukrayna Prezidenti Volodimir Zelenski ilə apardığı telefon danışığnı da müsbət qiymətləndirib.
O əlavə edib ki, BMT Ukrayna böhranının sülh yolu ilə həllinə gətirib çıxara biləcək bütün təşəbbüsləri və səyləri dəstəkləyir.
Xatırladaq ki, bugün Putin və Tramp arasında telefon danışığı baş tutub. Rusiya prezidentinin sözlərinə görə, telefon danışığı iki saatdan çox davam edib. Putin telefon danışığını yüksək qiymətləndirib və onu konstruktiv adlandırıb.