Türkiyə Prezidenti Rəcəb Tayyib Ərdoğan NATO-nun Baş katibi Mark Rütte ilə telefon danışığı aparıb. Söhbət əsnasında Ukrayna–Rusiya müharibəsindəki son inkişaflar, həmçinin regional və qlobal məsələlər müzakirə olunub. Bu barədə Türkiyə Prezident Administrasiyasının Kommunikasiya İdarəsi məlumat yayıb.

ABŞ Prezidenti Donald Tramp ilə Rusiya Prezidenti Vladimir Putin arasında sabah keçiriləcək görüş ərəfəsində, Böyük Britaniyanın Baş naziri Keir Starmer və Ukrayna Prezidenti Volodimir Zelenski bir görüş keçiriblər. Baş nazirliyin 10 nömrəli ofisindən verilən açıqlamaya görə, Starmer bu səhər paytaxt Londondakı ofisində Zelenskini qəbul edib.

ABŞ-ın birinci xanımı Melaniya Tramp, keçmiş prezident Co Baydenin oğlu Hunter Baydeni, cinsi istismarda ittiham olunan iş adamı Cefri Epşteynin onu Donald Trampla tanış etdiyinə dair iddialara görə məhkəməyə verməklə hədələyib. “Asharq Al-Awsat”ın BBC-yə istinadən yaydığı məlumata görə, 2005-ci ildə Donald Trampla evlənən Melaniya Trampın vəkilləri bu iddianı “yalan, böhtan və mübahisəli” adlandırıblar. Hunter Baydenin vəkilinə göndərilən məktubda iddianın dərhal geri götürülməsi və üzr istənilməsi tələb olunub. Əks halda, 1 milyard dollardan çox təzminat tələb ediləcəyi bildirilib.

Kreml ABŞ prezidenti Donald Tramp və Rusiya prezidenti Vladimir Putin arasında Alyaskada keçirilməsi planlaşdırılan görüşün vaxtını elan edib. Rəsmi açıqlamaya görə, görüş Moskva vaxtı ilə saat 22:30-da başlayacaq. İki liderin görüşü tərcüməçilərin iştirakı ilə təkbətək formatda start götürəcək. Qeyd edək ki, Tramp-Putin görüşü beynəlxalq ictimaiyyətdə böyük maraq doğurur və onun nəticələri xüsusilə Ukrayna münaqişəsi fonunda diqqətlə izlənir.

ABŞ prezidenti Donald Tramp və Rusiya prezidenti Vladimir Putinin görüşünün planlaşdırıldığı Alyaskada buzlaq bəndinin aşması nəticəsində yaranan daşqın təhlükəsi səbəbindən sakinlərin təxliyəsinə çağırış edilib. ABŞ Milli Okean və Atmosfer Administrasiyası (NOAA) Alyaskanı paytaxtı Juneau şəhərində yerləşən Mendenhall buzlaqının bəndinin daşıb güclü daşqın riski yaratdığını açıqlayıb. Juneau Empire portalının məlumatına görə, yerli hakimiyyət orqanları şəhər sakinlərinə ərazini tərk etməyi tövsiyə edib.

Böyük Britaniya Baş naziri Keir Starmer, ABŞ prezidenti Donald Tramp və Rusiya prezidenti Vladimir Putin arasında sabah keçiriləcək görüşdən əvvəl Ukrayna prezidenti Volodimir Zelenski ilə kritik görüş keçirəcək. Starmer və Zelenski arasında bu gün baş tutacaq görüşdə Ukrayna məsələləri müzakirə ediləcək. Zelenski dünən Almaniyanın ev sahibliyi etdiyi onlayn iclasda da iştirak etmişdi.

Sənədə əsasən nəqliyyat nazirinə kosmik buraxılış və yenidən giriş lisenziyaları üçün ekoloji yoxlamaları sürətləndirmək və ya ləğv etmək tapşırılıb. Məqsəd 2030-cu ilə qədər yeni kosmik fəaliyyətlərin və buraxılış tezliyinin artırılması ilə ABŞ-ın kosmosdakı mövqeyini möhkəmləndirməkdir. Bəyanatda bildirilib ki, köhnəlmiş və məhdudlaşdırıcı qaydalar ləğv olunacaq, kommersiya lisenziyası və icazə prosesləri sadələşdiriləcək. Kosmos limanı layihələrinin qiymətləndirilməsi ticarət nazirinə həvalə ediləcək və bu proses Müdafiə, Nəqliyyat Departamentləri, eləcə də NASA ilə əlaqələndiriləcək.

ABŞ prezidenti Donald Tramp bəyan edib ki, əgər avqustun 15-də Alyaskada keçiriləcək Rusiya–ABŞ sammitində Ukrayna münaqişəsinin sülh yolu ilə həlli istiqamətində razılıq əldə olunmasa, Rusiya ciddi nəticələrlə üzləşəcək. Bu barədə Tramp jurnalistlərin suallarını cavablandırarkən deyib.

ABŞ prezidenti Donald Tramp avqustun 15-də Alyaskada keçiriləcək sammitdə Ukraynada atəşkəs əldə olunması üçün səylər göstərəcək. Bu barədə Fransa prezidenti Emmanuel Makron, Avropa liderləri və Trampın iştirakı ilə keçirilən onlayn görüşdən sonra açıqlama verib.

“Axios” nəşri ABŞ rəsmilərinə istinadən, prezident Donald Trampın 15 avqustda Vladimir Putinlə Alyaskada keçirəcəyi görüşdə razılıq əldə olunmazsa, Rusiya iqtisadiyyatını “məhv etməyə” cəhd göstərə biləcəyini bildirib. Məlumata görə, adı açıqlanmayan rəsmi Trampın Putinə hələ də “qəzəbli” olduğunu və diplomatik səylər uğursuz olarsa, Ukraynaya NATO ölkələri vasitəsilə silah axınını davam etdirəcəyini deyib. Ağ Evdə açıqlama verən Tramp isə görüşdən atəşkəs gözlədiyini, müzakirələrin “çox konstruktiv” keçəcəyinə inandığını bildirib.

“The Telegraph” qəzetinin məlumatına görə, London hökuməti Avropa İttifaqı liderlərinə, xüsusilə Fransa prezidenti Emmanuel Makron, Almaniya kansleri Fridrix Merz və Aİ-nin xarici işlər üzrə ali nümayəndəsi Kaja Kallas kimi rəsmilərə Ukrayna məsələsində ictimai tələblər irəli sürməməyi tövsiyə edib. Britaniya rəsmiləri hesab edir ki, bu cür çıxışlar ABŞ prezidenti Donald Trampı qəzəbləndirərək Avropanı danışıqlardan kənarda qoya bilər.

2025-ci il avqustun 8-də Vaşinqtonda tarixi bir mərhələ keçildi: Azərbaycan Prezidenti İlham Əliyev və ABŞ-nin dövlət başçısı Donald Tramp iki ölkə arasında Strateji Tərəfdaşlıq Xartiyasının (STX) hazırlanması üçün yaradılacaq Strateji İşçi Qrupunun təsis edilməsinə dair Anlaşma Memorandumu imzaladılar.

ABŞ Prezidenti Donald Tramp cümə günü Rusiya Prezidenti Vladimir Putin ilə Alyaskada görüş keçirəcək. Tramp bu gün Ukrayna Prezidenti Volodimir Zelenski və Avropa liderləri ilə onlayn görüşdə iştirak edəcək. Tramp Zelenski və bəzi Avropa liderlərinin qatılacağı onlayn görüşdə Putinlə keçirəcəyi sammit öncəsi son vəziyyəti müzakirə edəcək. ABŞ Prezidenti Donald Tramp ilə Rusiya Prezidenti Vladimir Putin 15 avqust cümə günü Alyaska ştatının Ankoric (Anchorage) şəhərində bir araya gələcəklər.

BAKI, AzerVoice ABŞ Prezidenti Donald Tramp İnstaqram səhifəsində Prezident İlham Əliyev və Baş nazir Nikol Paşinyanla Ağ Evdə görüşündən görüntülər paylaşıb. AzerVoice həmin kadrlar təqdim edir:

Rusiya xarici işlər naziri Sergey Lavrov ABŞ dövlət katibi Marko Rubio ilə telefon danışığı aparıb. Bu barədə Rusiya Xarici İşlər Nazirliyi açıqlama yayıb.

ABŞ prezidenti Donald Trampın Vaşinqtonda təhlükəsizliyi bərpa etmək məqsədilə fövqəladə vəziyyət elan etməsindən sonra Milli Qvardiya bölmələri paytaxta göndərilməyə başlanıb. Hazırda Vaşinqton və ətraf ştatlardan olan 800 nəfərlik Milli Qvardiya qüvvələri hissə-hissə şəhərə daxil olaraq xidmət yerlərinə yerləşdirilir.

12 avqust 2025-ci il tarixində Azərbaycan Respublikasının xarici işlər naziri Ceyhun Bayramov ilə Ermənistan Respublikasının xarici işlər naziri Ararat Mirzoyan arasında telefon danışığı aparılıb. Nazirlər telefon danışığında Vaşinqton Zirvə görüşü zamanı imzalanmış Birgə Bəyannamənin icrasını, eləcə də etimad quruculuğu tədbirlərini müzakirə ediblər.

Azərbaycanda fəaliyyət göstərən dini konfessiyaların rəhbərləri Prezident İlham Əliyevə müraciət ünvanlayıblar. Zati-aliləri, "Konstitusiya və Suverenlik İli" elan etdiyiniz 2025-ci ildə - Böyük Qarabağ Zəfərinin 5-ci ildönümü ərəfəsində Azərbaycan xalqına yaşatdığınız misilsiz qürur və sevincə görə Azərbaycan din xadimlərinin və dindarlarının dərin minnətdarlığını Cənabınıza ifadə etməkdən böyük şərəf duyuruq. Sizin dünyanın lider ölkəsində yüksək səviyyədə qəbulunuz zamanı imzalanmış sənədlərin dəyər və mahiyyəti onun tarixi əhəmiyyətini müəyyən edir.

Bəyanata Macarıstan prezidenti Viktor Orban istisna olaraq qatılmayıb. Aİ liderləri Ukrayna xalqının öz gələcəyinə azad şəkildə qərar vermək hüququnu dəstəklədiklərini bildirərək, "Ukrayna olmadan Ukraynada sülhə gedən yol müəyyən edilə bilməz" fikrini ifadə ediblər. Bəyanatda müharibənin Avropa və beynəlxalq təhlükəsizlik üçün geniş təsirləri qeyd olunub və Aİ-nin ABŞ və digər tərəfdaşlarla koordinasiyada Ukraynaya hərbi, siyasi, iqtisadi, humanitar və diplomatik dəstəyini davam etdirəcəyi vurğulanıb. Rusiyaya qarşı tətbiq olunan sanksiyaların da davam etdiriləcəyi qeyd olunub.

ABŞ Prezidenti Donald Tramp bildirib ki, İsrail "növbəti addım" barədə qərar verməlidir, lakin HƏMAS-ın Qəzzada qala bilməyəcəyini müdafiə edir. Tramp bu fikirləri "Axios" xəbər portalına telefon danışığı zamanı İsrailin Qəzzaya hücumları ilə bağlı şərh verərkən səsləndirib. İsrail Baş naziri Benyamin Netanyahunun Qəzzanın işğalı ilə bağlı qərarını açıq şəkildə dəstəklədiyini ifadə etməsə də, Tramp mövcud vəziyyətdə HƏMAS-ın əsirləri azad edəcəyinə inanmadığını deyib.

Vaşinqtonda ABŞ, Azərbaycan və Ermənistan arasında Birgə Bəyannamənin imzalanması Bakının sülh gündəliyinə sadiqliyini təsdiq etdi.

Tramp mətbuat konfransında “Vladimir Putinlə danışacağam və ona bu müharibəni bitirməli olduğunu deyəcəyəm” sözlərini səsləndirib, ən qısa zamanda atəşkəs əldə olunmasının vacibliyini vurğulayıb. O, həmçinin Ukrayna prezidenti Zelenskinin ərazi güzəştlərinin konstitusiya təsdiqini tələb etməsi ilə bağlı bəyanatından bir az narahat olduğunu bildirib. Trampın komandası Alyaska sammitinə İkinci Dünya Müharibəsindən sonra Avropanın xəritəsini formalaşdıran Yalta sammiti kimi önəm verir. Bu sammitdə Tramp, Putinlə yanaşı, Avropa məsələlərini müzakirə edəcək.

Bu sərəncam may ayında ABŞ və Çin arasında qarşılıqlı tarif artımlarını azaltmaq üçün razılaşdırılan 90 günlük müddətin sona çatmasından əvvəl verilmişdir. Trampın açıqlamasında bildirilib ki, tariflərin dayandırılması ticarət balanssızlığının aradan qaldırılması, ədalətsiz ticarət təcrübələrinə son qoyulması və Amerika ixracatının genişlənməsi üçün vacibdir. Tariflərin dayandırılması noyabrın 10-dək uzadılıb və ABŞ ilə Çin arasında may ayında İsveçrədə başlayıb, iyun və iyulda Londonda və Stokholmda davam edən danışıqlar çərçivəsində həyata keçirilir.

"Onilliklər boyu davam edən müharibədən və insan qurbanlarından sonra Sülh Sənədinin imzalanması mərasimində Azərbaycan Prezidenti İlham Əliyevin və Ermənistanın baş naziri Nikol Paşinyanın yanında olmaq mənim üçün böyük şərəfdir. Bunlar iki gözəl insan və böyük liderdir. İndi onlar mənim yaxşı dostlarımdır!", - o deyib.