BAKI, AzerVoice, Səməd Əyyubov
ABŞ prezidenti Donald Trampın Vaşinqtonda təhlükəsizliyi bərpa etmək məqsədilə fövqəladə vəziyyət elan etməsindən sonra Milli Qvardiya bölmələri paytaxta göndərilməyə başlanıb.
AzerVoice-un məlumatına görə, hazırda Vaşinqton və ətraf ştatlardan olan 800 nəfərlik Milli Qvardiya qüvvələri hissə-hissə şəhərə daxil olaraq xidmət yerlərinə yerləşdirilir.
Vaşinqton meri Müril Bauzer Tramp administrasiyasının “cinayət səviyyəsinin artması” iddiasını rədd etsə də, Ağ Ev ilə koordinasiyalı şəkildə işləməyə davam edəcəklərini bildirib.
Xatırladaq ki, Tramp dünən Vaşinqtonda təhlükəsizliyi təmin etmək və cinayətləri azaltmaq məqsədilə fövqəladə vəziyyət elan etdiyini, polisə federal nəzarət tətbiq olunacağını, Milli Qvardiyanın və zərurət yaranarsa ordunun da şəhərə göndəriləcəyini açıqlamışdı.