BAKI, AzerVoice, Nərmin Ağayeva

Alyaskada daşqın riski səbəbindən təxliyə çağırışı edilib

AzerVoice xəbər verir ki, ABŞ prezidenti Donald Tramp və Rusiya prezidenti Vladimir Putinin görüşünün planlaşdırıldığı Alyaskada buzlaq bəndinin aşması nəticəsində yaranan daşqın təhlükəsi səbəbindən sakinlərin təxliyəsinə çağırış edilib.

ABŞ Milli Okean və Atmosfer Administrasiyası (NOAA) Alyaskanı paytaxtı Juneau şəhərində yerləşən Mendenhall buzlaqının bəndinin daşıb güclü daşqın riski yaratdığını açıqlayıb. Juneau Empire portalının məlumatına görə, yerli hakimiyyət orqanları şəhər sakinlərinə ərazini tərk etməyi tövsiyə edib.

Milli Meteoroloji Xidmətin (NWS) rəsmisi Nikol Ferrin bildirib ki, mövcud məlumatlara əsasən bu hadisə yeni rekord daşqına səbəb ola bilər.

Mendenhall buzlaqı geniş vadidə yerləşir və “İntihar” adlanan hövzədə toplanan ərimiş su gölünü saxlayan təbii buz bəndi rolunu oynayır. 2011-ci ildən bəri bu hövzədən axan su fasilələrlə daşqınlara gətirib çıxarır. Alimlərin sözlərinə görə, iqlim dəyişikliyi bu tip daşqınların tezliyini və intensivliyini ildən-ilə artırır.