BAKI, AzerVoice, Səməd Əyyubov
ABŞ prezidenti Donald Tramp bəyan edib ki, əgər avqustun 15-də Alyaskada keçiriləcək Rusiya–ABŞ sammitində Ukrayna münaqişəsinin sülh yolu ilə həlli istiqamətində razılıq əldə olunmasa, Rusiya ciddi nəticələrlə üzləşəcək.
AzerVoice çərşənbə günü xəbər verir ki, bu barədə Tramp jurnalistlərin suallarını cavablandırarkən deyib.
“Bəli, nəticələr ciddi olacaq” – deyə, Tramp bildirib. Bununla belə, o, “ciddi nəticələr” ifadəsi ilə konkret olaraq nəyi nəzərdə tutduğunu açıqlamayıb.
Bundan əvvəl Tramp, Avropa ölkələrinin liderləri və Ukrayna prezidenti Volodimir Zelenskinin iştirakı ilə keçirilən videokonfransda Ukrayna mövzusunda aparılan məsləhətləşmələri yüksək qiymətləndirdiyini bildirib.
“Çox yaxşı bir söhbətimiz oldu. Zelenski də bu söhbətdə iştirak etdi. Əgər bu danışıqları 10 ballıq şkala ilə qiymətləndirsəm, 10 verərdim” – deyə, o vurğulayıb.
