BAKI, AzerVoice, Nərmin Ağayeva
ABŞ mediası Tramp-Putin görüşü ilə bağlı iddialar yayıb.
AzerVoice xəbər verir ki, “Axios” nəşri ABŞ rəsmilərinə istinadən, prezident Donald Trampın 15 avqustda Vladimir Putinlə Alyaskada keçirəcəyi görüşdə razılıq əldə olunmazsa, Rusiya iqtisadiyyatını “məhv etməyə” cəhd göstərə biləcəyini bildirib.
Məlumata görə, adı açıqlanmayan rəsmi Trampın Putinə hələ də “qəzəbli” olduğunu və diplomatik səylər uğursuz olarsa, Ukraynaya NATO ölkələri vasitəsilə silah axınını davam etdirəcəyini deyib. Ağ Evdə açıqlama verən Tramp isə görüşdən atəşkəs gözlədiyini, müzakirələrin “çox konstruktiv” keçəcəyinə inandığını bildirib.
Qeyd edək ki, Tramp və Putin avqustun 15-də Ukrayna müharibəsinə son qoyulması məsələsini müzakirə etmək üçün Alyaskada görüşəcək.