BAKI, AzerVoice, Səməd Əyyubov
Rusiya xarici işlər naziri Sergey Lavrov ABŞ dövlət katibi Marko Rubio ilə telefon danışığı aparıb.
AzerVoice-un məlumatına görə, bu barədə Rusiya Xarici İşlər Nazirliyi açıqlama yayıb.
Söhbət əsnasında Rusiya prezidenti Vladimir Putin ilə ABŞ prezidenti Donald Tramp arasında avqustun 15-də Alyaskada keçiriləcək danışıqlara hazırlıq məsələləri müzakirə olunub. Telefon söhbətində tərəflər qarşıdakı görüşün uğurla baş tutmasına dair qarşılıqlı iradələrini ifadə ediblər.
Xatırladaq ki, Tramp daha əvvəl avqustun 15-də Alyaskada Putinlə görüşəcəyinə ümid etdiyini bildirmişdi. Sonradan Kremlin nümayəndəsi Yuri Uşakov da bu planı təsdiqləyərək, görüşün əsas mövzusunun Ukrayna böhranının uzunmüddətli sülh yolu ilə həlli variantları olacağını açıqlamışdı. Uşakov əlavə edib ki, növbəti Putin–Tramp görüşünün Rusiya ərazisində keçirilməsi nəzərdə tutulur.