BAKI, AzerVoice, Nailə Babazadə

İran lideri Əli Xamenei, ABŞ ordusunun İranlı gənclərin cəsarəti və fədakarlığı qarşısında məğlub olduğunu iddia etdi.

AzerVoice xəbər verir ki, İran lideri Əli Xamenei, Avropadakı İslam Tələbə Cəmiyyətləri Birliyinin illik toplantısı üçün rəsmi internet səhifəsində mesaj yayımladı.

İran lideri mesajında, "ABŞ ordusunun və onun bu bölgədəki uzantısının ağır hücumu, İranlı gənclərin cəsarəti və fədakarlığı qarşısında məğlub oldu." ifadəsini istifadə etdi.

Ölkəsinin hücuma uğramasının və sanksiyalarla üzləşməsinin tək səbəbinin nüvə məsələsi olmadığını iddia edən Xamenei, əsas problemin İranın "istilaçı dövlətlərə qarşı mübarizəsi" olduğunu vurğuladı.

Xamenei, hücumlarda alimlər, komandirlər və vətəndaşların həyatını itirməsinin kədərini yaşadıqlarını bildirdi və İranlı gənclərin bu kədərə baxmayaraq əsla dayanmacağını qeyd etdi.

Qeyd edək ki, İsrail, 13 iyun tarixində İranın müxtəlif şəhərlərindəki nüvə obyektlərini və ordunun yüksək komanda səviyyəsini hədəf alan genişmiqyaslı hücumlar həyata keçirmişdi.

İranın Baş Qərargah Rəhbəri, İnqilab Keşikçiləri Komandanı və bəzi yüksək rütbəli komandirlər ilə 9 nüvə alimi hücumlar zamanı həlak olmuşdu.

İsrailə açıq dəstək verən ABŞ, 22 iyun tarixində İranın Natanz, Fordo və İsfahan şəhərlərindəki 3 nüvə obyektinə hücum etmişdi.

İran, ABŞ-ın hücumuna cavab olaraq 23 iyun tarixində, ABŞ-ın Qətərdəki Əl-Udeyd Hava Bazasına hücum etmiş, ABŞ Prezidenti Donald Tramp isə 24 iyun tarixində İran ilə İsrail arasında atəşkəsin əldə olunduğunu elan etmişdi.