BAKI, AzerVoice
Fransada 100-dən çox vəkilin daxil olduğu "Yaxın Şərqdə Ədalət üçün Vəkillər Assosiasiyası" (AJPO) ölkə rəhbərliyini İsrailin Qəzza və işğal olunmuş İordan çayının qərb sahilində törətdiyi soyqırımı, insanlığa qarşı və müharibə cinayətlərinə şəriklikdə ittiham edərək Beynəlxalq Cinayət Məhkəməsinə (UCM) müraciət edib.
AzerVoice xəbər verir ki, Məlumatı Barış üçün Yəhudi Fransız Birliyi (UJFP) yayıb.
Şikayətdə Fransa Prezidenti Emmanuel Makron, Baş nazir Fransua Bayru, Müdafiə naziri Sebastyen Lekornu və 19 millət vəkili İsrailin cinayətlərinə "diplomatik, mənəvi və maddi dəstək verməklə" ortaq olmaqda ittiham edilir.
Fransa rəhbərliyinə qarşı təqdim edilən müraciətdə bildirilir ki, İsrailin işğal olunmuş Fələstin ərazilərində törətdiyi cinayətlərə qarşı Fransa hökumətinin fəaliyyətsizliyi və göstərdiyi dəstək bu cinayətlərə birbaşa şəriklik anlamı daşıyır.
Müraciətə əsasən, Fransa hökumətinin bu mövzu ilə bağlı fəaliyyəti Roma Statutunun 25-ci maddəsinin 3-cü bəndi çərçivəsində Beynəlxalq Cinayət Məhkəməsinin yurisdiksiyasına daxil olan cinayətlərə şəriklik təşkil edir. Xüsusilə İsrailə hərbi yardımın göstərilməsi, Fransa vətəndaşı olan ikili vətəndaşlıqlı İsrail əsgərlərinin cəzalandırılmaması hökumətin bu cinayətlərə “maddi dəstək” verdiyini göstərir.
Bundan əlavə, Fransa hökumətinin İsrailin işğal altındakı Fələstin ərazilərində həyata keçirdiyi sömürgəçilik fəaliyyətlərinə qarşı çıxmaması da bu siyasətə “iqtisadi dəstək” kimi qiymətləndirilir.
Fransa rəhbərliyinin İsrailin Fələstində törətdiyi cinayətlərdən xəbərdar olduğu, lakin bu cinayətlərin qarşısını almaq üçün addım atmadığı, əksinə, onların davam etməsinə şərait yaratdığı vurğulanır. Bu isə Fransa hökumətinin məsuliyyət daşıdığı fikrini gücləndirir.
