BAKI,
AzerVoice
“Qəzza: Həkimlər Hücum Altında” sənədli filminin icraçı prodüseri
Ben de Pear Britaniya yayımçısı BBC-ni onu və komandasını
susdurmağa cəhd göstərməkdə ittiham edib.
AzerVoice xəbər verir ki, prodüserin
sözlərinə görə, qurum sənədli filmin yayımını ləğv etməklə yanaşı,
ona “ikiqat məxfilik bəndi” olan müqavilə imzalatmağa çalışıb.
Keçmiş Channel 4 News redaktoru olan De Pear bu barədə LinkedIn paylaşımında yazaraq, BBC rəhbərliyinin jurnalistləri deyil, Baş direktor Tim Davie-nin şəxsi qərarları ilə hərəkət etdiyini bildirib. O, Davie-ni redaksiya azadlığına müdaxilə etməkdə ittiham edib:
“BBC ictimai yayımçı kimi xəbər və aktual mövzularda iflasa uğrasa, bu, bir qurum olaraq uğursuzluqdur və rəhbərlikdə dəyişiklik zəruri olur.” - deyə o qeyd edib.
BBC məsələ ilə bağlı birbaşa açıqlama verməsə də, mənbələr prodüserə yalnız “standart kommersiya şərtləri” təklif olunduğunu iddia ediblər.
Xatırladaq ki ki, BBC daha əvvəl Qəzzada tibb işçilərinin fəaliyyətini sənədləşdirən “Qəzza: Həkimlər Hücum Altında” adlı filmi iyunun 20-də “qərəzsizliklə bağlı narahatlıqlar” səbəbilə yayımlamaqdan imtina etmişdi. Film daha sonra 4-cü kanal tərəfindən efirə verilib.
Qeyd edək ki, BBC fevral ayında da Qəzzada uşaqların vəziyyətinə dair digər sənədli filminə görə üzr istəmişdi.
