BAKI, AzerVoice, Səməd Əyyubov
ABŞ prezidenti Donald Tramp bu il ərzində və ya qısa müddət sonra Çinə səfər etməyi planlaşdırır.
AzerVoice xəbər verir ki, bu barədə Tramp Ağ Evdə Cənubi Koreya prezidenti Li Çje Myon ilə görüşdən sonra jurnalistlərin suallarını cavablandırarkən deyib.
“Çox ehtimal ki, bu il ərzində və ya tezliklə Çinə səfər edəcəyik” – deyə, D.Tramp bildirib.
Bundan əvvəl, Tramp Şimali Koreya lideri Kim Çen In ilə görüşməyə hazır olduğunu bildirmişdi.
“Əslində mən onunla bir gün görüşəcəyəm. Onunla görüşməyə hazırlaşmışam” – deyə, Tramp qeyd edib.
