BAKI, AzerVoice, Nərmin Ağayeva

Təkcə 2025-ci ildə Qəzzada 206 nəfər qida çatışmazlığından ölüb.

AzerVoice xəbər verir ki, Ümumdünya Səhiyyə Təşkilatının (ÜST) Fələstin üzrə nümayəndəsi Rik Peeperkorn BMT Cenevrə ofisində keçirilən həftəlik mətbuat konfransında Qəzza ilə bağlı kritik vəziyyət barədə məlumat verib.

Peeperkorn bildirib ki, BMT-nin dəstəklədiyi İnteqrasiya edilmiş Qida Təhlükəsizliyi Faza Təsnifatı (IPC) hesabatına görə, avqustun 15-dən etibarən Qəzza şəhərində aclıq rəsmi olaraq təsdiqlənib. Hesabata görə, yarım milyondan çox insan aclıq, yoxsulluq və ölümlə səciyyələnən fəlakətli şəraitdədir. Bu, Yaxın Şərqdə ilk dəfə rəsmi olaraq aclığın təsdiqi sayılır.

ÜST rəsmisi vurğulayıb ki, təkcə 2025-ci ildə qida çatışmazlığı səbəbindən 206 nəfər həyatını itirib və vəziyyət sürətlə pisləşməkdə davam edir. Peeperkorn IPC təhlilinə əsaslanaraq, 2026-cı ilin iyun ayına qədər ən azı 132 min uşaq yüksək qidalanma riski altında olacaq. Bu rəqəm, 2025-ci ilin may ayındakı IPC proqnozları ilə müqayisədə iki dəfə artmışdır.

O, aclığın insan istehsalı bir böhran olduğunu vurğulayaraq, “İndi gecikmədən və bəhanə olmadan hərəkətə keçmək vaxtıdır” - deyə bildirib. Peeperkorn həmçinin dərhal və davamlı atəşkəsin vacibliyini, bütün Qəzzalılara maneəsiz humanitar yardıma çıxışın təmin edilməsinin əhəmiyyətini qeyd edib.

IPC hesabatında göstərilir ki, 22 aylıq qarşıdurmalardan sonra Qəzza zolağında yarım milyondan çox insan fəlakətli şəraitlə üz-üzədir və bu vəziyyət yaxın həftələrdə Qəzza şəhərindən Deyr əl-Bələx və Xan Yunisə doğru yayılacaq.