BAKI, AzerVoice, Nərmin Ağayeva
Çilinin cənubunda 7,5 bal gücündə zəlzələ qeydə alınıb.
AzerVoice xəbər verir ki, ABŞ Geoloji Xidməti (USGS) zəlzələnin episentrinin Antarktika yarımadası sahillərindəki Dreyk keçidi olduğunu açıqlayıb. Təxminən 10,8 kilometr dərinlikdə baş verən təkanlar Argentina və Çilinin bir çox şəhərində hiss olunub. Çili Hərbi Dəniz Qüvvələrinin Hidroqrafik və Okeanoqrafiya Xidməti (SHOA) isə zəlzələdən sonra sunami xəbərdarlığı elan edib.
Qeyd edək ki, SHOA sahilyanı bölgələrin, limanların və sahil yollarının boşaldılması barədə göstəriş verib.
