BAKI, AzerVoice, Nailə Babazadə
Bangladeşin Narsingdi bölgəsində 5,5 bal gücündə zəlzələ baş verib. Hadisə nəticəsində başkent Dakka şəhərində 3 nəfərin həyatını itirdiyi bildirilib.
AzerVoice xəbər verir ki, ABŞ Geoloji Araşdırmalar Mərkəzi (USGS) zəlzələnin episentrinin Narsingdi şəhərinin təxminən 14 kilometr cənub-qərbində olduğunu açıqlayıb. Zəlzələ təxminən 10 kilometr dərinlikdə baş verib.
Bangladeş Meteorologiya Departamenti isə başkent Dakka şəhərinə təxminən 25 kilometr məsafədə baş verən zəlzələnin 5,7 bal gücündə olduğunu açıqlayıb.
Dakka şəhərində bir binanın balkonunun uçması nəticəsində altında qalan 3 nəfər həyatını itirib.
Hadisənin çox sayda bölgədə hiss olunduğu bildirilib.