BAKI, AzerVoice, Nailə Babazadə
İndoneziyanın Sumatra Adasında şiddətli yağışlar nəticəsində baş verən sel və torpaq sürüşməsində həyatını itirənlərin sayı 248-ə yüksəlib.
AzerVoice xəbər verir ki, İndoneziya Fəlakətlə Mübarizə Agentliyinin açıqlamasına görə, xilasetmə komandaları daha çox meyitə çatıb və yaralananların sayı 500-dən çoxdur. Yol qapanmaları səbəbindən bəzi ərazilərə çatmaq mümkün olmadığından ölü sayının daha da arta biləcəyi bildirilir.
Agentlik həmçinin bildirir ki, binlərlə ev və tikili sular altında qalıb, minlərlə ailə evini tərk etməli olub. Dəmir yolları, körpülər, düyü tarlaları, heyvanlar və ictimai obyektlər də sellərin zərbəsindən təsirlənib.
İndoneziya Meteorologiya, İqlim və Geofizika Agentliyi isə qeyri-sabit hava şəraitinin bir neçə gün daha davam edəcəyi barədə xəbərdarlıq edib.