greenBAKI, AzerVoice

Fələstinli aktivist Trampdan 20 milyon dollar təzminat tələb edir.

AzerVoice xəbər verir ki, bu barədə Nyu Yorkda yerləşən Konstitusiya Hüquqları Mərkəzi yazılı açıqlama yayıb.

Bəyanatda Xəlilin iddiasında siyasi motivli həbsi və saxlanması nəticəsində ona dəyən zərər ətraflı şəkildə sənədləşdirilib. Həmçinin, Tramp administrasiyasından 20 milyon dollar təzminat və rəsmi üzr istəməsi tələb edildiyi qeyd edilib.

"Bu, məsuliyyətə doğru atılan ilk addımdır. Aldığım travma, həyat yoldaşımdan ayrılıq, ilk övladımın dünyaya gəlməsi- məndən oğurlanan 104 günü heç nə geri qaytara bilməz.’’ - deyə o bildirib.

Belə ki, bu etirazlarda iştirak edən şəxslərin sıxışdırılması ilə bağlı ilk təzminat iddiasıdır. İddiaçının tələbə və qeyri-vətəndaş olması da diqqətçəkən məqamdır.

Qeyd edək ki, Mahmud Xəlil ABŞ-dakı etirazlara rəhbərlik edən Kolumbiya Universitetinin aspirantı, fələstinli aktivistdir. O martın 3-də həyat yoldaşı ilə evinə daxil olarkən saxlanılıb. Xəlil ABŞ-da daimi yaşamaq və çalışmaq hüququ verən “yaşıl kart” (green card) sahibi və həyat yoldaşının da Amerikalı olmasına baxmayaraq, ABŞ İmmiqrasiya və Gömrük Mühafizəsi əməkdaşları tərəfindən həbs edilib və onun yaşıl kartı ləğv edilib. Vəkilləri məhkəməyə müraciət etdikdən sonra Xəlilin deportasiyasının qarşısının alınması üçün müvəqqəti həbs edilib. İyunun 20-də Xəlil barəsində irəli sürülən ittihamların saxlanması üçün yetərli olmadığı əsas gətirilərək zaminə buraxılıb.