BAKI,
AzerVoice
İsrail Qəzzada yardım anbarını bombalayıb.
AzerVoice xəbər verir ki, İsrail
ordusunun Qəzza şəhərinin Sabra məhəlləsində yerləşən, humanitar
yardım üçün istifadə edilən anbara endirdiyi hava zərbəsi
nəticəsində ən azı 10 fələstinli həyatını itirib.
Hadisə ilə bağlı Əl-Əhli Baptist Xəstəxanası mənbələri bildiriblər ki, bombalanan anbar xeyriyyə təşkilatlarının yardımları saxlamaq və paylamaq üçün istifadə etdiyi məkan olub. Son günlərdə bölgəyə humanitar yardımın çatdırılması onsuz da çətinləşmişdi.
İsrail ordusu Qəzzada mülki əhali və mülki infrastruktura yönəlik hücumlarını davam etdirir, bölgəyə yardım girişlərini ciddi şəkildə məhdudlaşdırır.
Qəzza Səhiyyə Nazirliyinin məlumatına əsasən, yardımlar üçün toplaşdığı yerlərdə 583 fələstinli həlak olub, 4 mindən çox insan isə yaralanıb.
Ümumilikdə 7 oktyabr 2023-cü ildən bu yana davam edən hücumlar nəticəsində ölənlərin sayı 56 min 500-ü, yaralananların sayı isə 133 min 419-u keçib.