BAKI, AzerVoice
İsrail ordusu Livanın cənubunda bir neçə bölgəyə hücum edib.
AzerVoice xəbər verir ki, Livanın rəsmi agentliyi NNA-da yer alan xəbərə görə, İsrail ordusu Nəbatiyə vilayətində və sərhəd xəttində yerləşən Keferkila qəsəbəsinə minaatan hücumu həyata keçirib.
İsrail ordusu sərhəddəki Udeyseh və Tayyibe şəhərlərini də 4 artilleriya atəşinə tutub.
Onların hücumlarının nəticələri ilə bağlı hələlik heç bir məlumat paylaşılmayıb.
Digər tərəfdən, İsrail ordusuna məxsus pilotsuz uçuş aparatları (PUA) da paytaxt Beyrut və Dahiyə bölgəsi üzərində alçaq uçuşlar həyata keçirib.
İsrail və Livan arasında 27 noyabr 2024-cü ildə əldə edilən atəşkəs razılaşmasına baxmayaraq, İsrail razılaşmanı tez-tez pozur.
Livana qurudan hücumlar zamanı sərhəddəki qəsəbələrə daxil olan İsrail ordusu atəşkəs razılaşmasındakı geri çəkilmə bəndinə baxmayaraq 5 nöqtədə varlığını davam etdirir.
Hava və quru hücumları ilə sərhədə yaxın qəsəbələrdə böyük dağıntılara səbəb olan İsrail, atəşkəsdən aylar keçməsinə baxmayaraq, Livanın cənubundakı avtomobilləri və bəzi nöqtələri İHA-larla hədəf almağa davam edir.
