BAKI, AzerVoice
İsrailin baş naziri Benyamin Netanyahu, ölkəsinin İranda həyata keçirdiyi əməliyyatların üç məqsədinin olduğunu bildirib.
AzerVoice xəbər verir ki, bu barədə Netanyahunun verdiyi açıqlamada deyilir.
“Biz İranda nüvə proqramını məhv etmək, raket proqramını sıradan çıxarmaq və ‘terror oxu’nu tamamilə yox etmək məqsədi güdürük” - deyə, Baş nazir qeyd edib.
Onun sözlərinə görə, Tehran regionda sabitliyi pozan əsas aktorlardan biridir və bu fəaliyyətlərə qarşı mübarizə davam etdiriləcək.
Xatırladaq ki, İsral Hərbi Hava Qüvvələri iyunun 13-də İran ərazisinə hava zərbələri endiriblər. Zərbələr nəticəsində çoxlu sayda yüksək səviyyəli hərbçi, o cümlədən İran Silahlı Qüvvələri Baş Qərargah rəisi Məhəmməd Baqeri, İran İslam İnqilabı Keşikçilər Korpusu (SEPAH) baş komandanı Hüseyn Salami, Xatəm Əl-Ənbiya Qərargahının komandanı Qulaməli Rəşid, 6 nüvə alimi və yüksək vəzifəli şəxslər ölüb. İran BMT Təhlükəsizlik Şurasının hadisə ilə əlaqədar fövqəladə iclas keçirməsini istəyib.