BAKI, AzerVoice
İsrailin Baş naziri Benyamin Netanyahu, İranın ali rəhbəri Ayətullah Əli Xameneinin öldürülməsi ssenarisini istisna etmədiyini bildirib.
AzerVoice xəbər verir ki, bu barədə ABC News telekanalı məlumat yayıb.
“İranın ali liderinin aradan qaldırılması ehtimalını istisna etmirəm” - deyə, o qeyd edib.
Baş nazir əlavə edib ki, belə bir addım “münaqişəni daha da alovlandırmayacaq, əksinə, onu bitirəcək."
Xatırladaq ki, İsral Hərbi Hava Qüvvələri iyunun 13-də İran ərazisinə hava zərbələri endiriblər. Zərbələr nəticəsində çoxlu sayda yüksək səviyyəli hərbçi, o cümlədən İran Silahlı Qüvvələri Baş Qərargah rəisi Məhəmməd Baqeri, İran İslam İnqilabı Keşikçilər Korpusu (SEPAH) baş komandanı Hüseyn Salami, Xatəm Əl-Ənbiya Qərargahının komandanı Qulaməli Rəşid, 6 nüvə alimi və yüksək vəzifəli şəxslər ölüb. İran BMT Təhlükəsizlik Şurasının hadisə ilə əlaqədar fövqəladə iclas keçirməsini istəyib.
