BAKI, AzerVoice
Kamboca və ABŞ, qarşılıqlı ticarət razılaşmasının əsas şərtləri üzrə razılığa gəliblər.
AzerVoice xəbər verir ki, bu barədə kambocanın Khmer Times qəzeti məlumat verib.
Məlumata əsasən, Kamboca və ABŞ arasında ikitərəfli əlaqələrin koordinasiyasına dair xüsusi işçi qrupu və ABŞ-nın ticarət danışıqları üzrə nümayəndəlik ofisi Vaşinqtonda ikinci danışıqlar raundunu başa vurub və qarşılıqlı ticarət razılaşmasının bir neçə əsas şərti üzrə razılığa gəliblər.
Kamboca nümayəndə heyətinə başçılıq edənlər arasında Baş nazirin müavini, Kamboca İnkişaf Şurası sədrinin birinci müavini Sun Çantol və Ticarət naziri Çam Nimol, ABŞ tərəfdən isə Cənub-Şərqi Asiya və Sakit Okean bölgəsi üzrə ABŞ-nın ticarət nümayəndəsinin köməkçisi Sara Ellerman olub.
Nəşr yazır ki, tərəflər yaxın vaxtlarda Vaşinqtonda danışıqlar üçüncü raundunun keçirilməsi barədə razılığa gəliblər. Kamboca Krallığının hökuməti, Baş nazir Hun Manet rəhbərliyində, qarşılıqlı faydalı ticarət və investisiya əlaqələri qurmaq üçün ABŞ ilə sıx əməkdaşlığını davam etdirəcək.
Qeyd edək ki, ilkin olaraq, aprelin 2-də ABŞ Prezidenti Donald Tramp, bütün ABŞ idxalı üçün yeni idxal tariflərinin tətbiq olunacağını açıqladı. Bunun ardınca Kambocanın Baş naziri, prezidentə yeni tarif dərəcələri üzrə qarşılıqlı razılığa gəlmək üçün danışıqlar aparmağı təklif edən bir məktub göndərmişdi. Pnompen, ABŞ-dan olan malların idxalını artırmaq və eyni zamanda mövcud 35 faizlik tarif dərəcəsini 19 kateqoriya üzrə 5 faizə endirmək öhdəliyi götürmüşdü.
Aprelin 2-də ABŞ prezidenti, ölkəyə idxal edilən bütün mallar üçün 10 faiz tarif tətbiq olunacağını və ABŞ ilə ən yüksək ticarət defisiti olan onlarla ölkəyə əlavə güzəştli idxal tarifləri tətbiq olunacağını açıqlamışdı. Kamboca, Asiya ölkələrinin iqtisadiyyatları üçün ən yüksək olan 49 faizlik tarif ilə üzləşmişdi və bu, dünyada üçüncü ən yüksək tarifdir. Kambocanın qonşuları olan Laos (48 faiz), Vyetnam (46 faiz), Tayland (36 faiz) və İndoneziya (32 faiz) da yüksək tarif tətbiq edilən ölkələr sırasına daxildirlər.
