BAKI, AzerVoice, Nailə Babazadə

ABŞ Prezidenti Donald Tramp Tokioda Yaponiya Baş naziri Sanaye Takaişi ilə görüşüb və iki ölkə arasında nadir metalların təchizatının təhlükəsizliyinə dair saziş imzalanıb. Sazişin məqsədi Çinin bu sahədə tətbiq etdiyi ixrac məhdudiyyətləri fonunda hasilat, emal və təchizat zəncirlərini möhkəmləndirməkdir.

AzerVoice xəbər verir ki, görüş zamanı Takaişi ABŞ-a 250 illik münasibətilə 250 albalı ağacı hədiyyə ediləcəyini açıqlayıb və Trampa keçmiş baş nazir Şinzo Abenin şəxsi qolf çubuqlarını təqdim edib. Tramp ABŞ-ın Yaponiyaya tam dəstək verdiyini bildirib və Takaişinin ölkənin ilk qadın baş naziri olmasını “böyük nailiyyət” kimi qiymətləndirib.

Ağ Ev bəyan edib ki, Yaponiya tərəfi Trampın Nobel Sülh Mükafatına namizədliyini irəli sürmək niyyətini ifadə edib. ABŞ lideri səfər çərçivəsində Şimali Koreya tərəfindən qaçırılan yapon vətəndaşlarının ailələri ilə də görüşüb.

Trampın Asiya turunun növbəti dayanacağı Cənubi Koreya olacaq və onun Çin Prezidenti Si Cinpin ilə görüşü ticarət mübahisələrinin həlli baxımından əsas mərhələ sayılır.