BAKI, AzerVoice, Nailə Babazadə
ABŞ-ın prezidenti Donald Tramp 2028-ci ildə keçiriləcək prezident seçkilərində yenidən namizəd olma niyyətini açıqlayıb.
AzerVoice xəbər verir ki, Asiya turu zamanı jurnalistlərin suallarını cavablandıran Tramp “Bunu etməyi çox istərdim. Sorğularda ən yaxşı nəticələrə sahibəm” deyərək mümkün namizədliyinə işarə edib.
Tramp, ABŞ konstitusiyasına görə prezidentlik vəzifəsinin iki müddətlə məhdudlaşdırılması məsələsində “qanuni mübarizə” aparıb-aparmayacağı soruşulduqda isə bu mövzunu hələ düşünmədiyini bildirib.
Tramp həmçinin gələcək seçkilərdə digər potensial namizədlər barədə danışaraq, administrasiyasında “möhtəşəm insanlar” olduğunu vurğulayıb və Xarici İşlər Naziri Marko Rubio ilə Vitse-Prezident J.D. Vance-in potensial namizəd ola biləcəyini qeyd edib.
Qeyd edək ki, ABŞ-da mövcud qanunlar çərçivəsində Konstitusiyanın 22-ci əlavəsi prezidentlərin iki dövrdən çox seçilməsinə imkan vermir.