BAKI, AzerVoice, Nailə Babazadə
İngiltərə Premyer Liqasında lider Arsenal, rəqiblərini geridə qoyaraq mövqeyini möhkəmləndirib.
AzerVoice xəbər verir ki, Mikel Arteta rəhbərliyində çıxış edən Arsenal, 21 illik çempionluq həsrətinə son qoymaq istəyir. Son üç mövsümdə iki dəfə Mançester Siti-yə, bir dəfə isə Liverpool-a uduzan Topçular bu dəfə qələbə ilə bitirmək niyyətindədir.
Liqayə Mançester Yunayted üzərində 1-0-lıq qələbə ilə başlayan Arsenal, ikinci turda Lids Yunayted-ı 5-0 məğlub edərək 2/2 nəticəyə çatıb. Üçüncü həftədə Liverpool-a 1-0 uduzan komanda, dördüncü turda Nottinghem Forest üzərində 3-0 qələbə qazanıb.
Daha sonra Mançester Siti ilə 1-1 hesablı bərabərlik yaşayan Arsenal, növbəti turlarda Nyukastl (2-1), Vest Ham YUnayted (2-0), Fulham və Kristal Pelas (hər ikisi 1-0) üzərində qələbələr əldə edərək liderliyini möhkəmləndirib.