BAKI, AzerVoice
Qəzzada vəziyyət hər gün daha da ağırlaşır.
AzerVoice xəbər verir ki, Böyük
Britaniyanın baş naziri Keir Starmer Qəzza zolağında humanitar
vəziyyətin getdikcə pisləşdiyini bildirib.
O, beynəlxalq ictimaiyyəti bölgəyə təcili yardım göndərməyə
çağırıb.
Şotlandiyada jurnalistlərin suallarını cavablandıran Starmer, “Qəzza zolağında vəziyyət dözülməz hal alıb və hər gün daha da pisləşir. Buna görə də biz müttəfiqlərimizlə birlikdə çalışırıq. Humanitar yardım tez və kifayət həcmlə çatdırılmalıdır. Yardımın gecikməsi dağıdıcı nəticələrə yol açır”, – deyə qeyd edib.
Qeyd edək ki, İsrailin Qəzza zolağında həyata keçirdiyi əməliyyatlar nəticəsində bölgədə humanitar böhran dərinləşib. BMT-nin son hesabatına görə, Qəzzanın bütün əhalisi aclıq təhlükəsi ilə üzləşib və mühasirə şəraitində verilən yardımlar “okeandakı damla” kimi qiymətləndirilir.
