BAKI,AzerVoice
ABŞ Prezidenti Donald Tramp bildirib ki, beynəlxalq sabitlik qüvvəsinin Qəzzəyə yerləşdirilməsi “çox yaxın vaxtlarda” baş tutacaq.AzerVoice xəbər verir ki,açıqlama, Vaşinqtonun Trampın sülh planını dəstəkləmək məqsədilə BMT Təhlükəsizlik Şurasına qətnamə layihəsi təqdim etməsindən bir gün sonra səsləndirilib.
Ağ Evdə Mərkəzi Asiya ölkələrinin liderləri ilə görüş zamanı danışan Tramp deyib ki,“Bu, çox tez baş verəcək. Qəzzədə vəziyyət yaxşı istiqamətdə gedir.”
Prezident Trampın sözlərinə görə, atəşkəsin elan edilməsindən təxminən bir ay keçməsinə baxmayaraq, Qəzzə zolağında humanitar vəziyyət hələ də çətin olaraq qalır.
Digər tərəfdən, Tramp İranın ABŞ tərəfindən tətbiq olunan sanksiyaların aradan qaldırılmasını istədiyini açıqlayıb. O, bu məsələni müzakirə etməyə açıq olduğunu vurğulayıb.
“İran sanksiyaların qaldırılması barədə soruşur. ABŞ-ın tətbiq etdiyi sərt sanksiyalar onlara çətinlik yaradır. Mən bu məsələyə açığam və görək, nə baş verəcək.”-deyə o qedy edib.