BAKI, AzerVoice
Merapi dağı 442-ci dəfə püskürdü – İndoneziyada təhlükə hələ də qalır.
AzerVoice xəbər verir ki,
İndoneziyanın Sumatra adasının qərbində yerləşən Merapi vulkanında
püskürmələr davam edir.
Tanah Datar bölgəsindən görünən kül buludları, yerli sakinlər
arasında narahatlıq yaradıb.
Məlumata görə, 3 dekabr 2023-cü ildən bu günə qədər Merapi dağı ümumilikdə 442 dəfə püskürüb. Rəsmilər dağın ətrafında, xüsusilə püskürmə mərkəzindən 3 kilometr radiusda yaşayanlara ciddi xəbərdarlıq edərək, həmin zonaya daxil olmağın və ya hər hansı fəaliyyətlə məşğul olmağın qadağan edildiyini bildiriblər.
Qeyd edək ki, Merapi dağı İndoneziyada ən aktiv vulkanlardan biri sayılır və bu regionda baş verən seysmik aktivlik hökumət orqanlarını və fövqəladə hallar xidmətlərini yüksək hazırlıq vəziyyətində saxlayır. Rəsmilər həmçinin, ətraf kəndlərdə yaşayan əhaliyə evakuasiya planlarının hazır saxlanılması barədə göstəriş veriblər.
