BAKI, AzerVoice
ABŞ İranın nüvə proqramı üzrə danışıqların bərpası halında hərbi güc tətbiq etməyəcəyinə zəmanət verməlidir.
AzerVoice xəbər verir ki, bunu İranın xarici işlər naziri Seyid Abbas Araqçi Fransanın "Le Monde" qəzetinə verdiyi müsahibədə deyib.
“İlk növbədə ABŞ öz davranışını dəyişməli və artıq İrana zərbələr endirməməlidir, yalnız bu halda danışıqlar davam etdirilə bilər” – deyə, o bildirib.
Qeyd edək ki, aprelin 12-dən bəri ABŞ və İran arasında, Omanın vasitəçiliyi ilə, beş raund dolayı danışıqlar keçirilib. Lakin növbəti görüş ləğv edilib. Buna səbəb İsrailin və İran arasında münaqişənin başlaması olub.
ABŞ iyunun 22-də İranda üç nüvə obyektinə – Fordo, İsfahan və Nətənzdə yerləşən qurğulara hava zərbəsi endirib.
Qeyd edək ki, İran hakimiyyəti uzun illərdir nüvə proqramlarının yalnız dinc məqsədlər güddüyünü bildirir.