BAKI, AzerVoice
ABŞ Dövlət Departamenti 1353 nəfər əməkdaşını işdən çıxarıb.
AzerVoice xəbər verir ki, işdən çıxarılmalar barədə məlumat bir gün əvvəl ABŞ Dövlət Katibinin müavini Maykl C. Riqasın əməkdaşlara göndərdiyi elektron məktub vasitəsilə verilib.
Kütləvi ixtisarlar, Dövlət katibi Marko Rubionun may ayında açıqladığı struktur islahatları çərçivəsində həyata keçirilir. Rubio departamenti “şişirdilmiş və bürokratik sistem tərəfindən boğulmuş” bir qurum kimi xarakterizə edib.
Rubio bildirib ki, islahatlar nəticəsində Departament ABŞ-ın əsas dəyərləri ilə daha uyumlu hala gətiriləcək və radikal siyasi ideologiyaların təsirindən təmizlənəcək.
ABŞ mediasına sızan daxili sənədlərə əsasən, ixtisar olunan əməkdaşlardan 1107-si dövlət qulluqçusu, 246-sı isə diplomatik heyətin üzvüdür.