BAKI, AzerVoice
ABŞ Konqresinin Senatındakı Silahlı Qüvvələr Komitəsi, icra hakimiyyətinin Avropadakı ABŞ qoşunlarının sayını birtərəfli şəkildə azaltmasını qadağan edən qərarı təsdiqləyib.
AzerVoice-un məlumatına görə, bu maddə, Komitə tərəfindən təsdiqlənmiş 2026-cı maliyyə ili üzrə ABŞ-ın müdafiə büdcəsi layihəsinə daxil edilib.
Komitə tərəfindən dərc edilmiş izahat sənədlərində bildirilib ki, qəbul olunmuş qərarlar ABŞ-ın Avropadakı qüvvə və vasitələrinin azaldılmasını və ya Vaşinqtonun NATO-nun Avropadakı Birləşmiş Silahlı Qüvvələrinin Ali Baş Komandanı postundan imtinasını Müdafiə naziri Pit Heqsetin bunun ABŞ və NATO-nun maraqlarına təsirini qiymətləndirib və belə addımların milli maraqlara uyğun olduğunu Konqresə təsdiqləyənədək qadağan edir.
Eyni zamanda, ABŞ Silahlı Qüvvələrinin Baş Qərargah Rəisləri Komitəsinin sədri, general Den Keynə “\bu cür dəyişikliklərlə bağlı risklərin müstəqil qiymətləndirilməsini aparmaq tapşırılıb.
Ümumilikdə, Senatın Silahlı Qüvvələr Komitəsi gələn il ABŞ-ın hərbi ehtiyacları üçün 924,7 milyard dollar ayrılmasını təsdiqləyib.
