BAKI, AzerVoice
Rusiya nəzarətində olmayan əraziləri tələb edə bilməz.
AzerVoice xəbər verir ki, bu sözləri ABŞ-ın vitse-prezidenti Cey Di Vens deyib.
O bildirib ki, Rusiya hazırda Ukraynanın nəzarətində olan ərazilərin ona təhvil veriləcəyini gözləməməlidir.
Vensin bu açıqlaması Rusiya Prezidenti Vladimir Putinin 30 aprel tarixində ABŞ Prezidentinin xüsusi nümayəndəsi Stiven Uitkoff tərəfindən irəli sürülən atəşkəs təklifini rədd etməsindən sonra gəlib.
Uitkoffun təklifi cəbhə xətti boyunca atəşin dayandırılmasını nəzərdə tuturdu. Lakin Kreml “yeni regionlar” adlandırdığı bütün ərazilərin Rusiya nəzarətinə keçməsində israr etdiyini bildirib.
Qeyd edək ki, Putin və Uitkoff arasında görüş 25 aprel tarixində baş tutub və üç saat davam edib.
Danışıqlarda iştirak edən Rusiya Prezidentinin köməkçisi Yuri Uşakovun sözlərinə görə, görüş Moskva ilə Vaşinqton arasında Ukrayna məsələsində və digər beynəlxalq mövzularda mövqelərin bir qədər yaxınlaşmasına şərait yaradıb.