BAKI, AzerVoice

Qədim sivilizasiyalara işıq salan bu tapıntılar arasında monumental məzarlar, tunc heykəllər, mozaikalar və batmış gəmi də yer alır

AzerVoice xəbər verir ki, X sosial media hesabında yayımladığı videomüraciətdə senator Sanders Qəzzada davam edən humanitar böhranla bağlı kəskin açıqlamalar verib.

ABŞ senatoru Bernie Sanders bildirib ki, İsrailin Qəzzaya humanitar yardımı məhdudlaşdırması nəticəsində bölgədə ciddi qida çatışmazlığı yaranıb və bu səbəbdən onlarla uşaq aclıqdan həyatını itirib.

O xatırladıb ki, İsrail son 11 həftə ərzində Qəzzaya heç bir yardımın daxil olmasına icazə verməyib, nəticədə qida, içməli su və dərman çatışmazlığı böhran səviyyəsinə çatıb.

Beynəlxalq təzyiqlər nəticəsində bölgəyə məhdud miqdarda yardım daxil olsa da, bu yardımların böhranı aradan qaldırmaq üçün yetərli olmadığını bildirib.

Sanders əlavə edib ki, İsrailin hücumlarının başladığı gündən bəri Qəzzada 60 min insan həlak olub, 140 mindən çox insan yaralanıb. Ölənlərin 60 faizinin qadınlar, uşaqlar və yaşlılar olduğu qeyd olunub.

ABŞ senatoru Qəzzada binaların 90 faizdən çoxunun yaşayış üçün yararsız hala düşdüyünü, yüzlərlə məktəbin bombalandığını, səhiyyə sisteminin demək olar ki, tamamilə çökdüyünü və bölgədə elektrik enerjisinin olmadığını bildirib.

Sonda Sanders, İsraildəki “həddindən artıq sağçı və irqçi Benyamin Netanyahu hökumətinə” müəyyən silah satışının dərhal dayandırılması üçün ABŞ Senatına təzyiq göstərəcəyini bəyan edib.