BAKI, AzerVoice

Rusiyanın xarici işlər naziri Sergey Lavrov və Suriyanın xarici işlər naziri Əsəd Həsən Şeybani Moskvada keçirilən görüşdə ikitərəfli münasibətlər, Suriyanın bərpası və regional əməkdaşlıq məsələlərini müzakirə ediblər.

AzerVoice xəbər verir ki, Sergey Lavrov və Əsəd Həsən Şeybani Moskvada görüş keçiriblər. Tərəflər arasında keçirilən danışıqlarda əsas diqqət Suriyanın münaqişədən sonrakı yenidən qurulması prosesinə və ikitərəfli əməkdaşlığın gücləndirilməsinə yönəlib.

Görüşdən sonra təşkil olunan birgə mətbuat konfransında Lavrov bildirib ki, Moskva Dəməşqlə qarşılıqlı faydalı əlaqələri daha da inkişaf etdirmək niyyətindədir və Suriya xalqının suverenliyinə və ərazi bütövlüyünə hörmətlə yanaşır.

O əlavə edib ki, Rusiya Suriyanın bərpası prosesinə dəstək verməyə hazırdır.

Nazirlər diplomatik təmasların davam etdirilməsi və əldə olunan razılaşmaların yerinə yetirilməsinin vacibliyi barədə razılığa gəliblər. Lavrov həmçinin qeyd edib ki, Rusiya heç vaxt Suriyaya qarşı tətbiq olunan Qərb sanksiyalarını dəstəkləməyib və bu sanksiyaların ləğvi regionda sabitliyə müsbət töhfə verə bilər.