BAKI, AzerVoice

Çilidə təcili yardım təyyarəsinin qəzaya uğraması nəticəsində 6 nəfər həyatını itirib.

AzerVoice xəbər verir ki, Çilinin paytaxt bölgəsində yerləşən Kurakavi şəhərinin dağlıq ərazisində təcili yardım təyyarəsinin qəzaya uğraması nəticəsində təyyarədə olan 6 nəfər həyatını itirib.

Böyükşəhər Bölgəsi Prezidentinin nümayəndəsi Qonzalo Duran jurnalistlərə açıqlamasında bildirib ki, qəza nəticəsində pilot, köməkçi pilot, həkim, tibb bacısı, xəstə və onun müşayiətçisi olmaqla təyyarədə olan bütün şəxslər həlak olub. O, faciədən dərin kədər hissi keçirdiklərini deyib.

Çili Prezidenti Qabriel Borik də sosial şəbəkə hesabında başsağlığı paylaşaraq qeyd edib: “Kürakavi bölgəsində baş verən faciəvi qəza nəticəsində həyatını itirən 6 nəfərin ailələrinə dərin hüznlə başsağlığı və sevgilərimi bildirirəm”.

Borik əlavə edib ki, itkin düşənlərin tapılması və qəzanın təsirinin minimuma endirilməsi üçün çalışan bütün dövlət qurumlarına təşəkkür edir və bu ağır günlərdə həmrəylik ruhunun vacibliyini vurğulayır.