BAKI, AzerVoice, Nailə Babazadə

Türkiyənin Müdafiə Nazirliyi, bir qəzetdə “Herkül ilə bağlı ilkin tespitlər” başlığı ilə yayımlanan xəbərdə yer alan məlumatların həqiqəti əks etdirmədiyini açıqlayıb. Nazirlik bildirir ki, xəbərdə qeyd olunan məqamlar davam edən araşdırmalar nəticəsində əldə olunmuş məlumatlar deyil, mənbəyi məlum olmayan şərhlərə əsaslanır.

AzerVoice xəbər verir ki, bəyanatda, qəzaya uğramış təyyarənin qalıqlarında araşdırmaların davam etdiyi vurğulanıb.

“Düşən təyyarənin qalıqlarında kaza kırım heyətimizin çalışmaları davam edir. Bu sahədə rəsmi açıqlamalarımız xaricində yayılan xəbərlərə və şərhlərə etibar edilməməsi vacibdir.” - deyə qeyd edilib.

Nazirlik, yayılan xəbərlərin əsl həqiqəti əks etdirmədiyini və araşdırmaların səylə davam etdiyini bir daha diqqətə çatdırıb.

Qeyd edək ki, noyabrın 11-də Türkiyə Hərbi Hava Qüvvələrinə məxsus "C-130" hərbi yük təyyarəsi Gəncə hava limanından qalxdıqdan 27 dəqiqə sonra Gürcüstan ərazisində radarlardan itərək qəzaya uğrayıb.

Qəza nəticəsində təyyarənin göyərtəsində olan, heyət üzvləri daxil olmaqla 20 hərbçinin hamısı həlak olub.