BAKI,AzerVoice, Orxan Qədirzadə
Türkiyə Prezidenti Rəcəb Tayyib Ərdoğan Gürcüstan Prezidenti Mixeil Kavelaşvili ilə telefon danışığı aparıb.
AzerVoice xəbər verir ki, Türkiyə Prezident Administrasiyasının Kommunikasiya İdarəsinin məlumatına görə, telefon danışığı zamanı Gürcüstanda qəzaya uğrayan Türkiyə Silahlı Qüvvələrinə məxsus hərbi nəqliyyat təyyarəsi ilə bağlı aparılan istintaq və xilasetmə işləri, eləcə də hadisə ilə əlaqədar son inkişaflar müzakirə olunub.
Prezident Ərdoğan, Gürcüstanın hadisə yerində həyata keçirilən araşdırma və axtarış işlərində göstərdiyi əməkdaşlığa görə həmkarı Mixeil Kavelaşvili təşəkkür edib.
Gürcüstan Prezidenti Mixeil Kavelaşvili isə söhbət zamanı Türkiyəyə və şəhid olan hərbi qulluqçuların ailələrinə başsağlığı verib, Gürcüstan xalqının bu acılı hadisədə Türkiyə ilə həmrəy olduğunu bildirib.
Hadisə ilə bağlı araşdırmaların Gürcüstan və Türkiyə müvafiq qurumlarının əməkdaşlığı ilə davam etdirildiyi vurğulanıb.