BAKI, AzerVoice
Keçmişdən bu günə çiyin-çiyinə verdiyimiz mübarizəni, müdafiə sənayemizdəki ortaq addımlarla gələcəyə daşıyırıq.
AzerVoice xəbər verir ki, Türkiyə Müdafiə Sənayesi Komitəsinin sədri Haluk Görgün, Azərbaycan Respublikasının 28 May Müstəqillik Günü münasibətilə təbrik mesajı yayımlayıb.
Görgün paylaşımında Azərbaycanla Türkiyə arasındakı qardaşlıq əlaqələrinin təkcə tarixdə deyil, bu gün də hər sahədə davam etdiyini bildirib.
“Can Azərbaycanın Müstəqillik Günü mübarək olsun! Sevinci sevincimiz, kədəri kədərimiz olan qardaşlarımızın qürurunu eyni qəlbdən, eyni inamla paylaşırıq”- deyə Görgün bildirib.
Haluk Görgün xüsusilə müdafiə sənayesi sahəsindəki əməkdaşlığa diqqət çəkərək, bu sahədə atılan ortaq addımların iki ölkə münasibətlərini daha da möhkəmləndirdiyini vurğulayıb.
Sonda isə Görgün gələcəkdə də Türkiyə ilə Azərbaycanın böyük uğurlara birlikdə imza atacağına inandığını qeyd edib.