BAKI,AzerVoice, Nailə Babazadə
Səudiyyə Ərəbistanının xarici işlər naziri şahzadə Feysəl bin Fərhan bin Abdullah ilə İranın xarici işlər naziri Abbas Əraqçi arasında telefon danışığı baş tutub.
AzerVoice xəbər verir ki, xarici işlər nazirləri regional hadisələri müzakirə edib, ixtilafların dialoq və diplomatik yollarla həll edilməsinin zəruriliyini vurğulayıblar. Onlar həmçinin regionda təhlükəsizlik və sabitliyin qorunması istiqamətində göstərilən səyləri nəzərdən keçiriblər.
Çərşənbə günü isə Səudiyyə Ərəbistanının naziri Ər-Riyadda Beninin xarici işlər naziri Oluşequn Adcadi Bakarini qəbul edib. Hər iki rəsmi şəxs ölkələri arasındakı münasibətləri nəzərdən keçirib, regional və beynəlxalq hadisələri, habelə bu istiqamətdə həyata keçirilən səyləri müzakirə ediblər.