BAKI,AzerVoice, Fərid Mikayılov

İran Prezidenti Məsud Pezeşkian, ölkədə baş verən etirazların şiddət hadisələrinə çevrilməsi ilə bağlı ciddi açıqlama verdi.

AzerVoice xəbər verir ki, Pezeşkian iddia edib ki, ABŞ Prezidenti Donald Tramp, İsrail Baş Naziri Benyamin Netanyahu və bəzi Avropa ölkələri etirazlar zamanı müəyyən şəxsləri silahlandıraraq şiddət hadisələrinə səbəb olublar.

"Normal etirazçılar silah götürmür, polis qüvvələrini öldürmür və tibbi yardım xidmətlərinə zərər vermir. Bu hadisələr xarici qüvvələr tərəfindən cəmiyyəti bölmək məqsədilə təşkil olunub"- deyə Pezeşkian bildirib.

Qeyd edək ki, İranın paytaxtı Tehran və digər bölgələrdə 28 dekabr 2025-də başlayan etirazlar milli valyutanın sürətlə dəyər itirməsi və iqtisadi böhran səbəbindən ölkə üzrə yayıldı. 8 yanvar 2026-da baş verən hadisələr zamanı təhlükəsizlik qüvvələri və mülki şəxslər arasında şiddət nəticəsində 3 min 117 nəfərin həlak olduğu bildirilib. Ölənlərin 2 min 427-si “silahlı terror qrupları” tərəfindən öldürülən təhlükəsizlik qüvvələri və mülki vətəndaşlar idi, 690 nəfər haqqında isə dəqiq məlumat verilməyib.