BAKI, AzerVoice, Nailə Babazadə

İsrail ordusu, Suriyanın Kuneytra əyalətində, Sayda əl-Hanut kəndinin qərb hissəsində hərəkətlərini davam etdirib.

AzerVoice xəbər verir ki, üç hərbi vasitədən ibarət İsrail hərbi birliyi Sayda əl-Hanut kəndinin qərb tərəfində yerləşdirilib. Həmçinin bölgədə kəşfiyyat məqsədli pilotsuz uçuş aparan dronun da olduğu qeyd edilib.

Qeyd olunur ki, bu pozuntular, İsrail qüvvələrinin Kuneytra bölgəsindəki Burc nöqtəsindən, şimal kəsimindəki Hamidiye nöqtəsinə iki tank daşımaları ilə eyni vaxtda baş verib.

Bazar günü də bölgədə irəliləyən İsrail qüvvələri, Kuneytra əyalətinin şimal və cənub kəsimlərində iki nəzarət postu quraraq yoldan keçən mülki şəxslərə “axtarış tədbirləri” həyata keçirib.

Dəməşq idarəsi İsrailin Kuneytra və Dera bölgələrində keçirdiyi basqınları və mülki şəxslərə yönəlmiş əməliyyatları 1974-cü il Ayrılma Anlaşmasının açıq pozuntusu hesab edir. Suriya, İsrail qüvvələrinin işğal etdiyi bütün Suriya torpaqlarından çıxmasını tələb edir və beynəlxalq ictimaiyyəti İsrailin “hücumkar fəaliyyətlərinə” qarşı tədbir görməyə çağırır.