BAKI, AzerVoice, Nailə Babazadə
Qəzza Səhiyyə Nazirliyi İsrailin hücumlarında son 24 saatda 33 nəfərin öldüyünü və ölü sayının 69 min 546-ya yüksəldiyini açıqlayıb. Ölənlər arasında 12 uşaq və 8 qadın var, 88 nəfər yaralanıb.
AzerVoice xəbər verir ki, hücumlarda dağıntılar altından çıxarılan meyitlərin sayı 572-dir. 2023-cü il Oktyabr ayından bəri davam edən İsrail hücumlarında yaralıların sayı 170 min 833-ə çatıb.
Beynəlxalq mediaya görə, ABŞ və Misir vasitəsilə 9-10 Oktyabr tarixlərində İsrail və Həmas arasında Qəzza üçün atəşkəs planı razılaşdırılıb. Lakin İsrail ordusu atəşkəsə baxmayaraq ara-sıra hücumlara davam edir.