BAKI, AzerVoice, Nailə Babazadə
İsrail ordusu işğal altında olan İordan çayının qərb sahilinin şimalında bir evi mühasirəyə alaraq 2 fələstinlini qətlə yetirib.
AzerVoice xəbər verir ki, Fələstinin rəsmi xəbər agentliyi WAFA-nın verdiyi məlumata görə, İsrail əsgərləri gecə saatlarında qərb sahilində yerləşən Tuba şəhərinə bağlı Tammun qəsəbəsində bir evi mühasirəyə alıblar.
Əsgərlərin bölgəyə snayperlər yerləşdirdiyi və mühasirəyə aldıqları evə atəş açdığı bildirilir. Hücum nəticəsində iki fələstinli həyatını itirib.
İsrailin 7 oktyabr 2023-cü ildə Qəzza zolağına hücumlara başlamasından bəri işğal altındakı İordan çayının qərb sahili və Şərqi Qüdsdə fələstinlilərə qarşı basqınlar, həbslər və hücumlar artmaqdadır.
Fələstin Səhiyyə Nazirliyinin məlumatına əsasən, 7 oktyabrdan bu yana işğal altındakı qərb sahili və Şərqi Qüdsdə İsrail əsgərləri və fələstinli torpaqlarını zəbt edən israillilərin hücumları nəticəsində azı min 44 fələstinli həyatını itirib, 7 mindən çoxu isə yaralanıb.