BAKI, AzerVoice, Fərid Mikayılov
İsrail ordusunun 7 oktyabr 2023-dən bəri Qəzza zolağına davamlı hücumları nəticəsində həlak olanların sayı artmaqda davam edir.
AzerVoice xəbər verir ki, Qəzza Səhiyyə Nazirliyinin açıqlamasına görə, son 24 saatda 34 nəfər həyatını itirib, 316 nəfər isə yaralanıb.
Beləliklə, ümumi itki 64 min 905 nəfərə, yaralıların sayı isə 164 min 926 nəfərə yüksəlib.
Məlumata görə, İsrail ordusu 19 yanvarda əldə olunan atəşkəsi pozaraq 18 martdan etibarən hücumlarını intensivləşdirib. Bu hücumlar nəticəsində 12 min 354 fələstinli ölüb, 52 min 885 nəfər yaralanıb.
Açıqlamada bildirilib ki, İsrail və ABŞ tərəfindən yönləndirilən “yardım paylama məntəqələrində” də fələstinlilər hədəfə alınır. 27 maydan bəri bu hücumlarda 2 min 497 nəfər öldürülüb, 18 min 182 nəfər yaralanıb.
Nazirlik bildirib ki, Qəzza zolağında xeyli sayda cəsəd hələ də dağıntılar altında qalıb. Buna görə də real ölüm sayının rəsmi rəqəmlərdən daha yüksək olması ehtimal olunur.