BAKI, AzerVoice, Səməd Əyyubov
İsrail ordusu Qəzzada yardım gözləyən fələstinlilərə hücum edib.
AzerVoice xəbər verir ki, İsrail əsgərləri sərhəd-keçid məntəqəsi yaxınlığındakı yardım paylama nöqtəsinə toplaşan fələstinlilərə atəş açıblar.
Nəticədə 18 nəfər həlak olub, aralarında uşaqların da olduğu çox sayda insan yaralanıb.
Qeyd edək ki, İsrailin humanitar yardımın girişinə qoyduğu məhdudiyyət səbəbindən Qəzzada aclıqdan ölən fələstinlilərin sayı artmaqda davam edir. Son məlumata görə, Qəzza zolağında daha beş nəfər aclıqdan həyatını itirib. Beləliklə, Qəzza zolağında son 24 saat ərzində aclıqdan həyatını itirənlərin sayı 387-ə çatıb.
