BAKI, AzerVoice, Səməd Əyyubov
İsrail ordusu bu gün işğal olunmuş İordan çayının qərb sahilinin şimalında yerləşən Kufr Qilil kəndinə hücum edərək 10-dan çox fələstinlini saxlayıb, 150-dən artıq evə basqın həyata keçirib.
AzerVoice xəbər verir ki, hücum səhər saatlarında baş verib. İndiyədək 10-dan çox sakin saxlanılıb, 150-dən artıq ev axtarılıb və kənd qəbiristanlığı dağıdılıb.
Ordu ağır texnika ilə kəndə daxil olub və bir sakinə hücum edərək ona bədən xəsarətləri yetirib. Yaralı şəxs səhər saatlarında xəstəxanaya yerləşdirilib.
Qeyd edək ki, hazırda kənddə komendant saatı tətbiq olunub və reyd davam edir.
