BAKI, AzerVoice, Nailə Babazadə
İsrail ordusunun Qəzza zolağının qərb və mərkəz hissələrinə təşkil etdiyi hava hücumları nəticəsində azı 8 fələstinli həyatını itirib, bir neçə nəfər yaralanıb.
AzerVoice xəbər verir ki,Fələstinli xəstəxana mənbələrinin və görgü şahidlərinin bildirdiyinə görə, hava hücumları əsasən mülki vətəndaşları hədəfə alıb.
Məlumata görə, Qəzzanın mərkəzində yerləşən Netzarim dəhlizi yaxınlığında yerləşən və guya humanitar yardım paylanan mərkəzdə gözləyən mülki şəxslərə edilən hava zərbəsi nəticəsində 2 fələstinli həlak olub.
Bundan əlavə, Qəzza şəhərinin qərbindəki Rimal məhəlləsinə edilən hücum nəticəsində 2 nəfər həyatını itirib, 13 nəfər isə yaralanıb.
Qəzza zolağının mərkəzində, Kisufim sərhəd qapısı yaxınlığında həyata keçirilən hücumda 3 nəfər, Deyr əl-Bəlah şəhərinin şərq hissəsinə edilən zərbədə isə 1 nəfər ölüb.
Hazırda Qəzza zolağında vəziyyət gərgin olaraq qalır. İsrail ordusunun hücumları davam edir və bölgədə humanitar vəziyyət getdikcə ağırlaşır.
