BAKI, AzerVoice
Qəzza zolağında aclıqdan ölənlərin sayı artmaqda davam edir. Son 24 saatda 4 fələstinli daha aclıq səbəbindən həyatını itirib və ölənlərin ümumi sayı 239-a çatıb.
AzerVoice xəbər verir ki, Qəzza Səhiyyə Nazirliyinin baş direktoru Munir əl-Burş, İsrailin hücumları və blokadası altında humanitar yardımın ciddi şəkildə məhdudlaşdırıldığını və aclığın can almağa davam etdiyini bildirib.
Onun məlumatına görə, ölənlərin 106-sı uşaqdır.
Qəzzada geniş miqyaslı humanitar fəlakət yaşanır: su, qida, dərman və gigiyena ləvazimatlarının çatışmazlığı, mülki infrastruktura hücumlar və deportasiya əmrləri əhalinin həyatını təhlükəyə atır. Təxminən 2,3 milyon əhalisi olan zolaqda didərgin düşənlərin sayı 2 milyona yaxınlaşıb, bir çoxu isə dəfələrlə evlərini tərk etmək məcburiyyətində qalıb.