BAKI, AzerVoice, Zeynəb Raminqızı

Qəzzadakı Fələstin hökuməti son 10 gündə ən azı 6 min yardım maşınının bölgəyə girməli olmasına baxmayaraq, yalnız 853 yardım maşınının Qəzza zolağından keçməsinə icazə verildiyini açıqlayıb.

AzerVoice xəbər verir ki, bu barədə Qəzza hökumətinin media ofisindən verilən açıqlamada bildirib.

Açıqlamada Qəzzada insanların səhiyyə, qida və əsas ehtiyaclarını qarşılamaq üçün gündə ən az 600 yardım maşınına ehtiyac olduğu, lakin son 10 gündə bölgəyə daxil olan yardım maşınlarının ortalama sayının gündə cəmi 85 olduğu qeyd edilib.

Bu vəziyyət yardım axınının ciddi qeyri-adekvatlığını göstərir.

Media Ofisi daha əvvəl məlumat vermişdi ki, İsrail ordusu yardım maşınlarının talanına şərait yaradıb və onu qoruyub.

İsrailin hücumları və humanitar yardımı məhdudlaşdıran sərt blokada altında Qəzza zolağı geniş aclıq və su, dərman, tibbi ləvazimat və gigiyena vasitələri çatışmazlığı ilə humanitar fəlakət yaşayır.

Qəzza zolağında xüsusilə uşaqlar arasında aclıqdan ölüm halları artır. Qəzza Səhiyyə Nazirliyinin məlumatına görə, 7 oktyabr 2023-cü ildən Qəzzada 96-sı uşaq olmaqla 193 fələstinli aclıqdan ölüb.

Yerli və beynəlxalq dairələr bildirirlər ki, İsrail “aclıq və susuzluqdan silah kimi” istifadə edir.